धादिङमा नेकपाको मतदाता भेटघाट अभियान तीव्र, नीलकण्ठदेखि फागुन १७ सम्म विभिन्न पालिकामा कार्यक्रम

धादिङ, माघ २७ — नेपाली कम्युनिष्ट पार्टीले धादिङ जिल्लाको नीलकण्ठ नगरपालिकाबाट सुरु गरेको मतदाता भेटघाट कार्यक्रमलाई तीव्र बनाएको छ। पार्टीले सार्वजनिक गरेको कार्यक्रम तालिका अनुसार माघ २५ देखि फागुन १७ सम्म धादिङका विभिन्न स्थानीय तहमा मतदाता भेटघाट तथा जनसम्पर्क कार्यक्रम सञ्चालन हुने छ।

कार्यक्रम तालिका:

📍 माघ २५ देखि २८ सम्म — नीलकण्ठ नगरपालिका
📍 माघ २९ देखि फागुन १ सम्म — ज्वालामुखी गाउँपालिका
📍 फागुन २ — पोखरा
📍 फागुन ३ देखि ५ सम्म — त्रिपुरासुन्दरी गाउँपालिका
📍 फागुन ७ देखि ८ सम्म — गंगाजमुना गाउँपालिका
📍 फागुन ९ देखि १२ सम्म — रुबी भ्याली गाउँपालिका
📍 फागुन १३ देखि १४ सम्म — खनियाबास गाउँपालिका
📍 फागुन १५ देखि १६ सम्म — नेत्रावती डबजोङ गाउँपालिका
📍 फागुन १७ — नीलकण्ठ नगरपालिका–३ (समापन)

कार्यक्रम धादिङ निर्वाचन क्षेत्र नं. २ बाट उम्मेदवारी दिएका जिउँदो सहिद रामबहादुर भण्डारीको स्मृति, योगदान र संघर्षप्रति समर्पित गरिएको पार्टीले जनाएको छ। कार्यक्रममार्फत पार्टीका स्थानीय नेतृत्व तथा कार्यकर्ताहरूले मतदातासँग प्रत्यक्ष भेटघाट गर्दै स्थानीय जनसमस्याहरू सुन्दै आएका छन्।

हालको अवस्था:

सूत्रहरूका अनुसार हाल कार्यक्रम नीलकण्ठ नगरपालिकामा सक्रिय रूपमा सञ्चालन भइरहेको छ।
माघ २५ गते वडा नं. ९, १०, ११, १२ र १३,
माघ २६ गते वडा नं. ७ र ८,
आज माघ २७ गते वडा नं. १, ४, ५ र ६ मा कार्यक्रम सम्पन्न हुँदैछ।
भोलि माघ २८ गते वडा नं. २ र १४ मा मतदाता भेटघाट हुने छ।

पार्टीले यस अभियानमार्फत स्थानीय विकास, सुशासन, रोजगारी, शिक्षा, स्वास्थ्य लगायतका जनसरोकारका विषयमा मतदातासँग छलफल गर्दै आफ्नो नीति तथा कार्यक्रम सार्वजनिक गरिरहेको छ। नेकपाको यो अभियानलाई आगामी निर्वाचन तयारीको महत्वपूर्ण अङ्गका रूपमा हेरिएको छ।