एमाले धादिङको कार्यबाहक अध्यक्षमा अर्जुन कुमार श्रेष्ठ (गोर्खाली)

धादिङ– नेपाल कम्युनिष्ट पार्टी (एमाले) धादिङका उपाध्यक्ष अर्जुन कुमार श्रेष्ठ (गोर्खाली) लाई कार्यबाहक अध्यक्षको जिम्मेवारी दिएको छ । जिल्ला कमिटीको आइतबार बसेको बैठकले उपाध्यक्ष श्रेष्ठलाई जिम्मेवारी दिएको हो ।

जिल्ला कमिटीको नवौँ अधिवेशनबाट अध्यक्षमा निर्वाचित भुमि त्रिपाठी नेकपा एमालेको ११औँ राष्ट्रिय महाधिवेशनबाट केन्द्रीय सदस्यमा निर्वाचित भएपछि पार्टी विधानअनुसार उपाध्यक्ष श्रेष्ठलाई कार्यबाहक अध्यक्षको जिम्मेवारी प्रदान गरिएको एमाले धादिङले जनाएको छ ।

नेकपा एमालेको ११औँ राष्ट्रिय महाधिवेशनबाट केन्द्रीय सदस्यमा धादिङबाट निर्वाचित भुमि त्रिपाठी, डाक्टर पुष्प कडेल र डाक्टर खेम प्रसाद लोहनीलाई जिल्ला कमिटीले विशेष सम्मान गरेको छ । पार्टीको नीति, सिद्धान्त र संगठन विस्तारमा पु¥याएको योगदानको कदर गर्दै उनीहरूलाई सम्मान गरिएको हो ।