१२औँ लेट आरटिआर सचिन मेमोरियल राष्ट्रिय रक्तदान कार्यक्रम सम्पन्न

धादिङ — १२औँ लेट आरटिआर सचिन मेमोरियल राष्ट्रिय रक्तदान कार्यक्रमअन्तर्गत रोट्रयाक्ट क्लब अफ धादिङले धादिङ जिल्ला अस्पतालमा रक्तदान तथा फलफूल वितरण कार्यक्रम सम्पन्न गरेको छ।

नेपाल रेडक्रस सोसाइटी जिल्ला शाखा धादिङको प्राविधिक सहयोगमा रोटरी क्लब अफ धादिङ तथा न्यु गणेशकुण्ड टेन्ट एन्ड क्याटरिङ सर्भिस हाउसको सहकार्यमा आयोजित कार्यक्रममा जम्मा २१ जना रक्तदाताहरूले रक्तदान गरेका थिए।
रक्तदातामध्ये १३ जना पुरुष र ८ जना महिला सहभागी रहेको क्लबले जानकारी दिएको छ।

कार्यक्रमका दौरान जिल्ला अस्पतालमा उपचाररत ११ जना विरामीहरूलाई फलफूल वितरण गरिएको रोट्रयाक्ट क्लब अफ धादिङका अध्यक्ष श्रीकृष्ण रिजालले बताए।

रक्तदान जस्तो मानवीय कार्य तथा सामाजिक सेवामा उत्साहपूर्वक सहभागी सबै सहयोगी हातहरूलाई आयोजक क्लबले हार्दिक धन्यवाद व्यक्त गरेको छ।

📸 फोटो फिचर: